1 janvier 2017
Thembinkosi Wilson Maseko, « An assessment of the realisation of inmates' right to adequate medical treatment since the adoption of the South African Constitution in 1996 », De Jure, ID : 10670/1.9cts79
Suid Afrika se grondwetlike demokrasie waarborg onder andere gevangenes se reg tot voldoende mediese sorg. Sedert die inwerkingtreding van die Grondwet, het die staat en howe 'n kritieke rol gespeel ten einde te verseker dat die reg na behore gerealiseer word. Hierdie rol word duidelik geïllustreer deur die betrokke sake wat die reg direk of indirek oor die laaste twintig jaar afgedwing het, sowel as die maatreëls wat deur die staat aangeneem is. Daar word egter nie ten volle gevolg gegee aan hierdie reg nie, aangesien daar sommige struikelblokke is wat die vooruitgang belemmer wat die staat gemaak het om aan hierdie reg gevolg te gee, en tot 'n sekere mate sien die howe, by die interpretasie, die prosedure vir die uitleg van die Handves van Regte wat aan die Grondwet voldoen, oor die hoof.