XERACIÓN DE RESIDUOS DERIVADOS DO TURISMO RECEPTOR EN GALICIA

Résumé 0

"Estimar o impacto do turismo nunha sociedade significa considerar tanto os beneficios coma oscustos asociados á actividade turística. Sen dúbida, o turismo reviste unha importancia económica e social decisiva; porén, o crecemento da actividade turística foi acompañado por dificultades importantes en termos de emisión de gases de efecto invernadoiro, de consumo de auga, de vertidos de auga non tratada, de xeración de residuos, de danos á biodiversidade terrestre e mariña ou da ameaza para a supervivencia da cultura ou das tradicións locais. Na maioría das análises económicas do turismo incídese sobre os beneficios derivados do gasto directo dos turistas, sen detectar nin a existencia de impactos indirectos nin de efectos ambientais. O noso obxectivo é ofrecer unha aproximación ao impacto ambiental da actividade turística a partir da estimación da xeración de residuos vinculada ao consumo dos non residentes. Para satisfacer o vector de demanda final turística necesitamos producir toda unha serie de bens e servizos, e no transcurso desta produción obtemos non só eses bens, senón tamén toda unha serie de residuos físicos que devolvemos á natureza. A partir dunha ampliación do modelo inputoutput é posible bter unha estimación dos residuos xerados directa e indirectamente polo consumo dos visitantes non residentes. Con fins ilustrativos, aplícase o modelo á economía galega."